- Auglýsing -
Ungverjaland vann öruggan sigur á Póllandi, 29:21, í fyrstu umferð F-riðils Evrópumóts karla í Kristianstad Arena í Kristianstad í Svíþjóð í kvöld.
Ungverjar eru því komnir á blað í riðli Íslands og mæta næst Ítölum á sunnudag. Pólland mætir Íslandi sama dag.
Ungverjaland var með tögl og hagldir í leiknum og leiddi með fjórum mörkum, 14:10, í hálfleik. Ungverjar léku svo enn betur í síðari hálfleik og niðurstaðan að lokum átta marka sigur.
Kristóf Palacsis í marki Ungverjalands átti stórleik og varði 13 skot, sem gerir 39,4% hlutfallsmarkvörslu.
Richard Bodó var markahæstur í leiknum með aðeins fimm mörk og þrír Ungverjar bættu við fjórum mörkum hver.
Þrír Pólverjar skoruðu þá þrjú mörk hver.
- Auglýsing -
