- Auglýsing -
Alls eru fimm leikmenn íslenska karlalandsliðsins á lista Handknattleikssambands Evrópu, EHF, yfir tilnefnda leikmenn sem hægt er að kjósa í úrvalslið Evrópumótsins í Danmörku, Svíþjóð og Noregi.
Hver sem er getur kosið leikmenn í úrvalslið mótsins en þarf að gera það í gegnum snjallforrit EHF, Home of Handball, sem má nálgast í gegnum heimasíðu sambandsins.
Íslensku leikmennirnir fimm sem hægt er að velja í úrvalslið EM 2026 eru markvörðurinn Viktor Gísli Hallgrímsson, vinstri hornamaðurinn Orri Freyr Þorkelsson, leikstjórnandinn Gísli Þorgeir Kristjánsson, hægri skyttan Ómar Ingi Magnússon og hægri hornamaðurinn Óðinn Þór Ríkharðsson.
Ísland er með flestar tilnefningar ásamt Danmörku, Þýskalandi, Frakklandi og Noregi.
- Auglýsing -
