Mathias Gidsel sló í kvöld markamet Evrópumóts karla þegar hann skoraði sjö mörk í sjö marka sigri Danmerkur á Þýskalandi í úrslitaleik mótsins í Herning í kvöld.
Gidsel skoraði alls 68 mörk í níu leikjum á Evrópummótinu og bætti þar með met Norðmannsins Sander Sagosen frá EM 2020, sem var 65 mörk.
Danmörk Evrópumeistari í fyrsta sinn í 14 ár
Örvhenta skyttan fór á kostum á mótinu og var valinn verðmætasti leikmaður þess fyrir úrslitaleikinn í kvöld.
Gidsel er fyrsti leikmaður Danmerkur í sögunni sem er valinn besti leikmaður Evrópumótsins. Hann hefur átt frábær mót síðustu ár og var verðmætasti leikmaður handknattleikskeppni Ólympíuleikana 2021 og 2024 og hreppti sömu nafnbót á HM 2023 og 2025.
Gísli Þorgeir er í úrvalsliði EM 2026
Ómar markahæstur
Ómar Ingi Magnússon var markahæstur í íslenska landsliðinu á mótinu með 55 mörk. Næstur var Orri Freyr Þorkelsson og 36.
