Katrín Tinna Jensdóttir, línu- og varnarmaður íslenska landsliðsins, varð fyrir því óláni að fá þungt höfuðhögg snemma leiks í leik Íslands gegn Svartfjallalandi sem nú stendur yfir í undankeppni EM 2026 á Ásvöllum.
Katrín Tinna fór þjökuð af velli og hélt um höfuð sér eftir tæplega tíu mínútna leik í kjölfar þess að Sara Dögg Hjaltadóttir fékk dæmt á sig vítakast.
Textalýsing: Ísland – Svartfjallaland, kl. 18
Varð hún einhvern veginn á milli Söru Daggar og leikmanns Svartfjallalands með fyrrgreindum afleiðingum. Katrín Tinna hlaut aðhlynningu hjá Tinnu Jökulsdóttur sjúkraþjálfara landsliðsins og hélt svo inn í búningsklefa.
Hún sást ekki á varamannabekknum það sem eftir lifði af fyrri hálfleik og kom ekki heldur út úr klefanum þegar síðari hálfleikur hófst.
Kom Katrín Tinna ekkert við sögu í síðari hálfleik heldur og leikur vafi á því hvort hún ferðist með liðinu út til Svartfjallalands í nótt.
