Þegar tvær umferðir eru óleiknar í Olísdeild kvenna á tímabilinu eru línur orðnar ansi skýrar. Þó er ekki víst hvort Stjarnan eða Selfoss falli beint niður í Grill 66 deildina og hvort þeirra fer í umspil enda barátta liðanna tveggja hörð.
Selfoss er í sjöunda sæti með sex stig og Stjarnan er á botninum með fimm stig. Selfoss komst upp fyrir Stjörnuna með sigri í viðureign liðanna í síðustu umferð, þeirri nítjándu.
Staðan í deildinni:
| Sæti | Félag | Leikir | S | J | T | Stig | |
|---|---|---|---|---|---|---|---|
| 1 |  | Valur | 19 | 17 | 0 | 2 | 34 |
| 2 |  | ÍBV | 19 | 15 | 0 | 4 | 30 |
| 3 |  | Haukar | 19 | 11 | 1 | 7 | 23 |
| 4 |  | ÍR | 19 | 11 | 0 | 8 | 22 |
| 5 |  | Fram | 19 | 8 | 1 | 10 | 17 |
| 6 |  | KA/Þór | 19 | 7 | 1 | 11 | 15 |
| 7 |  | Selfoss | 19 | 3 | 0 | 16 | 6 |
| 8 |  | Stjarnan | 19 | 2 | 1 | 16 | 5 |
Þegar er ljóst að Valur er deildarmeistari og fer beint í undanúrslit úrslitakeppninnar um Íslandsmeistaratitilinn. ÍBV hafnar í öðru sæti og fylgir Valskonum beint í undanúrslitin.
Barist um þriðja og fimmta sætið
Fjögur lið í sætum þrjú til sex hafa þá tryggt sæti sín í fyrstu umferð úrslitakeppninnar; Haukar, ÍR, Fram og KA/Þór. Ýmislegt getur þó enn breyst í þeirri baráttu þar sem Haukar og ÍR berjast um þriðja sætið og Fram og KA/Þór berjast um fimmta sætið.
Þó er ljóst að Haukar og ÍR hafa þegar tryggt sér heimavallarréttinn í viðureignum sínum gegn Fram og KA/Þór í fyrstu umferð úrslitakeppninnar.
20. umferð Olísdeildar kvenna fer fram í heild sinni á miðvikudagskvöldið 18. mars og lokaumferðin fer svo fram aðeins þremur dögum síðar, laugardaginn 21. mars. Í síðustu tveimur umferðunum er von á nokkrum æsispennandi viðureignum.
20. umferð þann 18. mars:
Set höllin: 18.00, Selfoss – Haukar
Heklu höllin: 18.00, Stjarnan – Fram
Íþróttamiðstöð Vestmannaeyja: 18.00, ÍBV – ÍR
KA heimilið: 18.00, KA/Þór – Valur
21. umferð þann 21. mars:
N1 höllin: 14.00, Valur – ÍBV
Lambhagahöllin: 14.00, Fram – KA/Þór
Skógarsel: 14.00, ÍR – Selfoss
Kuehne+Nagel höllin: 14.00, Haukar – Stjarnan
Staðan og næstu leikir í Olísdeild kvenna.
