- Auglýsing -
Þýska stórveldið THW Kiel hefur samið við þýska vinstri hornamanninn Vincent Büchner um að leika með liðinu frá næsta sumri. Kemur hann frá THsV Eisenach og mun leysa Danann Magnus Landin af hólmi.
Landin gengur til liðs við danska stórveldið Aalborg Håndbold í sumar og var Kiel því í leit að nýjum vinstri hornamanni.
Büchner, sem er 27 ára gamall, mun veita þýska landsliðsmanninum Rune Dahmke samkeppni um stöðu vinstri hornamanns hjá Kiel.
Büchner leikur því einungis í eitt tímabil með Eisenach en hann samdi við félagið síðasta sumar og hafði þar á undan leikið með uppeldisfélagi sínu Hannover-Burgdorf í áratug.
- Auglýsing -
