Dagskráin: KA og Valur mætast öðru sinni

Einn leikur er á dagskrá úrslitakeppni Olísdeildar karla í kvöld. KA og Valur mætast í öðrum leik liðanna í undanúrslitum í KA heimilinu á Akureyri. Valur er 1:0 yfir í einvíginu eftir stórsigur í fyrsta leik liðanna í N1-höllinni á Hlíðarenda á mánudagskvöld.

Vinna þarf þrjá leiki til þess að tryggja sér sæti í úrslitaeinvíginu. Ljóst er að KA þarf að bíta í skjaldarrendur eftir 18 marka tap, 39:21, í fyrsta leik.

Valur er deildarmeistari og KA hafnaði í fimmta sæti Olísdeildarinnar. Hafnarfjarðarliðin FH og Haukar mætast í hinu undanúrslitaeinvíginu þar sem FH er 1:0 yfir.

Leikur kvöldsins:

Olísdeild karla, undanúrslit:

KA heimilið: KA – Valur kl. 18

Olís karla: Leikjadagskrá, úrslitakeppni 2026