Ýmir Örn Gíslason, landsliðsmaður og leikmaður Frisch Auf! Göppingen, verður ekki með liðinu í leik gegn lærisveinum Rúnars Sigtryggssonar í HSG Wetzlar í þýsku 1. deildinni í Göppingen á morgun.
Benjamin Matschke, þjálfari Göppingen, sat fyrir svörum á fréttamannafund í dag þar sem hann greindi frá því að þrír lykilmenn liðsins séu að glíma við meiðsli og geti því ekki tekið þátt í leiknum gegn Wetzlar.
Ýmir Örn hefur verið að glíma við meiðsli á fæti um skeið, hefur harkað af sér í undanförnum leikjum en þarf nú að jafna sig á meiðslunum, að því er kemur fram á þýska miðlinum Handball World.
Ole Pregler er þá meiddur á öxl og Rutger ten Velder er meiddur á fæti. Wetzlar á í harðri baráttu um að halda sæti sínu í þýsku deildinni á meðan Göppingen siglir lygnan sjó og á örlítinn möguleika á Evrópusæti.
