- Auglýsing -
- David Davis hefur verið ráðinn þjálfari RK Vardar Skopje frá og með næsta sumri. Davis var síðasta þjálfari Veszprém í Ungverjalandi en var leystur frá störfum í vor eftir að liðinu tókst m.a. ekki að verja ungverska meistaratitilinn undir hans stjórn. Davis, sem er af spænsku bergi brotinn, þekkir vel til í Skopje. Hann var aðstoðarþjálfari karlaliðs Vardar frá 2014 til 2018 og var einnig þjálfari kvennaliðs félagsins 2016 til 2017.
- Ein fremsta handknattleikskona Rússlands, Daria Dmitrieva, er byrjuð að leika á ný með CSKA Moskvu. Eftir Ólympíuleikana í sumar lýstir Dmitrieva að hún ætlaði að taka sér frí frá handknattleik í nokkurt skeið. Í byrjun desember fréttist að hún væri byrjuð að æfa á nýjan leik og fyrsta leikinn á tímabilinu lék Dmitrieva með CSKA þegar liðið mætti Lada Togliatti í rússnesku úrvalsdeildinni á aðfangadag. Dmitrieva skoraði fjögur mörk í fjögurra marka sigri CSKA, 30:26, á útivelli.
- Norska handknattleikskonan Tina Abdulla kveður Dortmund eftir keppnistímabilið eftir aðeins eins árs veru. Frá því var greint í gær að Abdulla hafi samið við Storhamar í Noregi og leikur þar með undir stjórn Axels Stefánssonar frá og með leiktíðinni 2022/2023.
- Aðeins tókst að leika einn af sjö fyrirhuguðum leikjum í dönsku úrvalsdeildinni í handknattleik karla sem fram áttu að fara á miðvikudagskvöld. Margt bendir til að svipað verði upp á teningnum annað kvöld þegar stefnt á að sjö leikir fari fram. Þegar stefnir að tveir leikir falli niður vegna fjölda smita hjá a.m.k. tveimur liðum, Bjerringbro/Silkeborg og bikarmeisturum Mors-Thy eftir því sem danskir fjölmiðlar greindu frá í gærkvöld.
- Auglýsing -
