Ráðinn íþróttastjóri Víkings í Safamýri

Jón Gunnlaugur Viggósson, þjálfari meistararflokksliðs Víkings í handknattleik, hefur verið ráðinn íþróttastjóri Víkings í Safamýri. Hann hefur störf 1. apríl. Jón Gunnlaugur verið með skrifstofu í Safamýri og er ætlað að styrkja þjónustu við íbúa og iðkendur í hverfinu til mikilla muna.

„Framundan eru mikilvægir tímar varðandi endanlega innleiðingu Víkings í Safamýri og mun Jón Gunnlaugur leiða þá vinnu sem hefst strax í apríl,“ segir m.a. í tilkynningu frá Víkingi.

Jón Gunnlaugur hefur undanfarin þrjú ár starfað hjá Víking sem yfirþjálfari Handknattleiksdeildar Víkings og þjálfari meistaraflokks karla í handbolta. Einnig er hann yfirþjálfari í Hæfileikamótun og Handboltaskóla HSÍ.

Fram flytur úr Safamýri í sumar og flytur í nýja aðstöðu í Grafarholti.