- Auglýsing -
Stúlkurnar í Reykjavíkurúrvalinu í handknattleik halda áfram að fara á kostum í borgarkeppninni í Ósló. Eftir sigur á liði Óslóar í gær unnu stúlkurnar liðið frá Stokkhólmi í dag með 13 marka mun, 26:13. Sex marka munur var að loknum fyrri hálfleik, 14:8.
Að sögn Sigríðar Unnar Jónsdóttur þjálfara hópsins var grunnurinn að sigrinum í dag lagður með frábærri vörn og góðri markvörslu. „Við héldum svo góðu tempói áfram í síðari hálfleik,“ sagði Sigríður sem hlakkar til næsta leiks sem verður á morgun gegn úrvalsliði frá Helsinki í Finnlandi.
Arna Sif Jónsdóttir átti frábæran leik í markinu. Hún varði níu skot, þar af tvö vítaköst.
Mörk Reykjavíkurúrvalsins skoruðu: Hrafnhildur Markúsdóttir 9, Sylvía Stefánsdóttir 7, Silja Gunnarsdóttir 4, Ester Elísabet Guðbjartsdóttir 3, Laufey Helga Óskarsdóttir 3.
Reykjavíkurliðið, sem er skipað stúlkum fæddum 2008 og 2009 og keppir ytra undir merkjum Handknattleiksráðs Reykjavíkur.
- Auglýsing -
