Meistaradeildin: Norsku liðin mæta þeim rúmensku

Sjötta umferð Meistaradeildar kvenna í handknattleik fer fram í dag og á morgun þar sem að meðal annars rúmensku liðin CSM Búkaresti og Rapid Búkaresti mæta norsku liðunum Vipers og Storhamar en rúmensku liðin eru enn taplaus í riðlakeppninni.

Leikur umferðarinnar hjá EHF fer fram í Ljubljana þegar að Krim tekur á móti franska liðinu Brest. Heimakonur í Krim vonast eftir því að ná sínum öðrum sigri á þessari leiktíð. Frammistaða franska liðsins hefur valdið miklum vonbrigðum fram til þessa.

Eftir leiki helgarinnar verður gert hlé á keppni í Meistaradeildinni fram til 3. desember vegna Evrópumóts landsliða sem hefst í Slóveníu, Svartfjallalandi og Norður Makedóníu fimmtudaginn 3. nóvember.

Leikir helgarinnar

A-riðill:

Banik Most – FTC | Laugardagur kl. 14 | Beint á EHFTV

• Banik Most hefur fengið á sig 200 mörk í fyrstu fimm leikjunum sem er met í Meistaradeild kvenna.
• Tékkneska liðið hefur tapað átta leikjum í röð í Meistaradeildinni.
• FTC eru ósigrað í tveimur leikjum í röð.
• Katrin Klujber hægri skytta ungverska liðsins er þriðja markahæst í Meistaradeildinni með 39 mörk.
• Banik Most hefur aðeins náð að vinna einn leik af síðustu ellefu í Meistaradeild kvenna.

Vipers – CSM Bukaresti | Laugardagur kl. 16 | Beint á EHFTV

• Eftir að hafa unnið 10 leiki í röð hefur Vipers nú ekki unnið tvo leiki í röð.
• CSM hefur er taplaust eftir fimm fyrstu leiki sína í Meistaradeildinni sem er besta byrjun liðsins í sögu keppninnar.
• Rúmenska liðið hefur unnið 11 leiki og gert 2 jafntefli á keppistímabilinu þegar litið er til allra móta sem liðið tekur þátt í um þessar mundir.
• Cristina Neagu er í áttunda sæti yfir markahæstu leikmenn í Meistaradeildinni á leiktíðinni með 30 mörk. Neagu vantar 60 mörk til þess að ná að rjúfa 1.000 marka múrinn.
• Þessi lið hafa mæst sex sinnum áður og hefur hvort þeirra unnið þrisvar sinnum.

Krim – Brest | Sunnudagur kl. 12 | Beint á EHFTV

• Krim hefur aðeins náð að sigra í einum leik af fyrstu fimm á leiktíðinni. Liðið hefur m.a. tapað báðum heimaleikjunum til þessa.
• Franska liðinu hefur gengið illa að skora til þessa og mörkin eru aðeins 123 í fimm leikjum. Aðeins Lokomotiva hefur skorað færri mörk, 103.
• Daria Dmitrieva og Jovanka Radicevic eru markahæstar hjá Krim með 29 mörk hvor.
• Þetta verður 290. leikur Krim í Meistaradeildinni. Aðeins eitt hefur tekið þátt í fleiri leikjum, Buducnost með 295 leiki.
• Krim hefur aldrei náð að vinna Brest en þetta er þriðji leikur þeirra.

Odense – Bietigheim | Sunnudagur kl. 13 | Beint á EHFTV

• Meiðslalistinn lengist enn hjá danska meistaraliðinu Odense. Um síðustu helgi sleit Noemi Hafra krossband.
• Fyrir voru fjórir leikmenn á meiðslalistanum, Lois Abbingh, Mia Rej, Dione Housheer og Larissa Nusser.
• Þýska liðið er ósigrað í 64 leikjum í öllum mótum.
• Bietigheim hefur skorað skorað flest mörkin í Meistaradeildinni. 176, og er með 72,7% skotnýtingu. Odense er hins vegar í níunda sæti með 143 mörk.
• Melinda Szikora markvörður þýska liðsins hefur verið í góðum gír þar sem af er tímabilsins. Hún hefur varið að meðaltali 35% af skotunum sem hún hefur fengið á sig.

B-riðill:

Györ – Buducnost | Laugardagur kl. 16 | Beint á EHFTV

• Ungverska liðið hefur unnið tvo leiki í röð eftir tap í þriðju umferð fyrir Metz.
• Liðin þekkjast býsna vel en frá árinu 2006 hafa þau mæst 25 sinnum. Ungverska liðið hefur unnið 18 sinnum, svartfellska liðið þrjá leiki og fjórum sinnum hefur orðið jafntefli.
• Milena Raicevic fyrirliði Buducnost er markahæst í Meistaradeildinni með 47 mörk.
• Ana Gros er markahæst hjá Györ með 21 mark.
• Ungverska liðið er með bestu sóknina og vörnina í riðlinum. Liðið hefur skorað 166 mörk en fengið á sig 119. Buducnost er hins vegar í fimmta sæti með markatöluna 146 – 145.

Metz – Lokomotiva Zagreb | Laugardagur kl. 16 | Beint á EHFTV

• Liðin hafa aldrei mæst áður
• Franska liðið tekur á móti eina liðinu sem hefur ekki enn unnið leik í Meistaradeildinni.
• Króatíska liðið er með yngsta leikmannahópinn í Meistaradeildinni en liðið hefur ekki enn fengið stig í riðlakeppninni. Eina stigið sem félagið hefur fengið í sögu sinni í Meistaradeildarinnar kom í jafntefli við Sävehof fyrir átta árum síðan.
• Bruna de Paula er markahæst í liði Metz með 26 mörk en þær Klara Birtic og Stela Posavec eru markahæstar hjá Lokomotiva með 17 mörk hvor.
• Metz er með 62% sóknarnýtingu það sem af er tímabilsins á meðan Lokomotiva er með 50,7% nýtingu.

Rapid Bukaresti – Storhamar | Sunnudagur kl. 12 | Beint á EHFTV

• Bæði lið eru nýliðar í Meistaradeild kvenna. Um leið er þetta í fyrsta sinn sem þau mætast.
• Rapid er eina taplausa liðið í riðlinum; hefur unnið þrjá leiki og gert tvö jafntefli.
• Storhamar hefur átt misjöfnu gengi að fagna það sem af er riðlakeppninnar; unnið tvo leiki og tapað þremur og er í sjötta sæti riðilsins.
• Maja Jakobsen er leikreyndasti leikmaður Stohamar. Hún er einnig markahæst með 32 mörk. Hjá Rapid er Eliza Iulia Buceschi markahæst með 22 mörk.

Kastamonu – Esbjerg | Sunnudagur kl. 12 | Beint á EHFTV

• Liðin mætast í fyrsta sinn í sögunni.
• Kastamonu batt enda á 17 leikja taphrinu sína um síðustu helgi með sigri á Lokomotiva 26 – 23.
• Tyrkneska liðið hefur fengið flest mörk á sig í riðlakeppninni, 171.
• Bæði lið eiga leikmenn á meðal fjögurra markahæstu í keppninni. Carlos Azenaide er næst markahæst með 43 mörk fyrir Kastamonu. Henny Ella Reistad er í fjórða sæti með 37 mörk fyrir Esbjerg.
  
  Staðan í A-riðli:

Staðan í B-riðli: