- Auglýsing -
- Auglýsing -

Boozt verður aðalbakhjarl HSÍ

Sylvía Clothier Rúdolfsdóttir, svæðiðsstjóri Boozt á Íslandi handsalar samkomulagið við Guðmund B. Ólafsson formann HSÍ. Mynd/HSÍ
- Auglýsing -

Fréttatilkynning frá Handknattleikssambandi Íslands.

Handknattleikssamband Íslands og netverslunin Boozt hafa undirritað samkomulag þess efnis að Boozt verði einn af aðalbakhjörlum HSÍ. Frá og með HM í Svíþjóð og Póllandi mun Boozt því hafa auglýsingu sína framan á treyjum allra landsliða Íslands í handbolta. 

Stór verkefni eru framundan hjá HSÍ á nýju ári. A-landslið karla heldur á HM í Svíþjóð og Póllandi í næstu viku, A-landslið kvenna leikur vináttulandsleiki gegn Noregi hér heima í mars og í apríl leika stelpurnar okkar umspilsleiki gegn Ungverjalandi um sæti á HM í Danmörku, Noregi og Svíþjóð.

Guðmundur Þórður Guðmundsson landsliðsþjálfari ásamt Bjarka Má Elíssyni og Ými Erni Gíslasyni. Mynd/HSÍ

Yngri landslið Íslands í handbolta verða einnig á faraldsfæti á árinu. U-21 karla fer á HM í Þýskalandi og Grikklandi, U-19 karla á HM í Króatíu, U-17 karla á Opna Evrópumótið í Svíþjóð og Ólympíuhátíð Evrópuæskunnar (EYOF) í Slóveníu, U-19 kvenna á EM í Rúmeníu og U-17 kvenna á EM í N-Makedóníu.


„Sú staðreynd að stærsta netverslun Norðurlandanna velur að hafa sitt þekkta vörumerki á keppnistreyjum er mikil viðurkenning fyrir uppbyggingu handboltastarfsins á síðustu árum og stöðu íslenska landsliðsins á alþjóðavísu. Markmiðið með samstarfinu er að tengja HSÍ og Boozt betur saman og vinna sameiginlega að enn frekari framþróun handboltans hér á landi. HSÍ lýsir yfir ánægju sinni með samninginn og vonast til að eiga gott samstarf við Boozt í framtíðinni,“ segir Guðmundur B. Ólafsson formaður HSÍ.

Guðmundur B. Ólafsson formaður HSÍ t.v. og Jón Björnsson stjórnarmaður hjá Boozt undirrita samstarfssamninginn milli Boozt og HSÍ. Mynd/HSÍ


Boozt er stærsta netverslun Norðurlandanna og selur m.a. tískufatnað, íþróttaföt og heimilisbúnað og sendir vörur sínar til flestra landa Evrópu. Höfuðstöðvar fyrirtækisins eru í Malmö í Svíþjóð og er það skráð í bæði sænsku og dönsku kauphöllinni.


„Sem Íslendingur er ég stoltur af því að Boozt sé nýr aðalstyrktaraðili Handknattleikssambands Íslands. Samstarfið endurspeglar vilja okkar til þátttöku í samfélaginu með stuðningi við íþróttir sem þjóðin sameinast um. Ég hlakka til að sjá hvað bíður hæfileikaríkra leikmanna landsliðsins í framtíðinni og ég er sannfærður um að samstarfið gagnist bæði okkur hjá Boozt og Handknattleikssambandi Íslands,“ segir Hermann Haraldsson, forstjóri Boozt.


Leikjadagskrá HM – smellið hér.

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -