Aganefnd HSÍ segir í úrskurði sínum, sem birtur er í dag að ekki sé ástæða til þess að aðhafast vegna máls sem kom upp í leik Kórdrengja og Harðar í 16-liða úrslitum bikarkeppni HSÍ 16.desember á Ásvöllum.
Samkvæmt skýrslu dómara leiksins hafði áhorfandi á vegum Harðar nálgast dómara leiksins við ritaraborð og haft í frammi ósæmileg ummæli um dómarana. Eftir þref var manninum, sem nefndur var „tiltekinn aðili“ í tilkynningu 20. desember, vísað úr hús vegna framkomu hans.
Aganefnd segir í úrskurðinum í dag að eftir að hafa farið yfir tvær umsagnir sem henni bárust að ekki liggi fyrir upplýsingar um sérstök tengsl umrædds áhorfanda við gestaliðið sem í þessu tilfelli var Hörður.
„Með vísan til framangreinds telur nefndin ekki ástæðu til þess að aðhafast vegna málsins,“ og vísar í 17. grein reglugerðar HSÍ um agamál þar sem m.a. er kveðið er á um heimilt sé að sekta gestalið í sérstökum tilfellum.
Hér má nálgast úrskurð aganefndar sem birtur var í dag.
