Rašimienė þjálfar yngri flokka kvenna hjá Selfossi

Gintare Rašimienė var fyrir tímabilið ráðin þjálfari 3. og 4. flokks kvenna hjá handknattleiksdeild Selfoss og er samningur hennar til ársins 2025.

Í tilkynningu frá handknattleiksdeild Selfoss segir m.a. að Rašimienė búi yfir víðtækri reynslu og menntun í þjálfun. Hún hafi til að mynda Master Coach gráðu frá evrópska handknattleikssambandinu og doktorsgráðu í íþróttafræði.

Rašimienė var aðstoðarþjálfari meistaraflokks kvenna í fyrra þegar liðið vann sig upp í Olísdeild kvenna.