Valsmenn unnu þriggja marka sigur á Þór, Akureyri, 30-27 í 5. umferð Olís-deildar karla fyrr í kvöld. Með sigrinum er Valur kominn á topp deildarinnar ásamt ÍBV en bæði lið hafa 8 stig eftir fimm leik. Þór situr áfram í 10. sæti með 2 stig.
Þórsarar byrjuðu leikinn betur og náðu mest fjögurra marka forskoti, 6-10. Valsliðið skiptu í kjölfarið um gír og sneru gangi leiksins sér í vil. Heimamenn leiddu með einu marki þegar flautað var til hálfleiks, 15-14.
Það voru hins vegar gestirnir sem hófu seinni hálfleikinn af meiri krafti með því að skora fjögur fyrstu mörkin og staðan því orðin 15-18 fyrir Þór. Valur svaraði líkt og í fyrri hálfleik og jafnaði leikinn í 18-18. Eftir það var mikið jafnræði með liðunum.
Þegar fimm mínútur voru til leiksloka var staðan jöfn, 27-27. Valur reyndist sterkari á lokakaflanum og uppskar þriggja marka sigur, 30-27.
Róbert Aron Hostert var markahæstur hjá Val með sjö mörk. Hjá Þór voru þeir Valþór Guðrúnarson og Ihor Kopyshynskyi markahæstir með sex mörk hvor.
Jovan Kukobat varði 10 skot í marki Þórs og Einar Baldvin Baldvinsson varði 11 skot fyrir Val.
