Kvennalið ÍBV í handknattleik heldur áfram að styrkjast fyrir átökin á næsta keppnistímabili. Í dag var greint frá því að Ásdís Guðmundsdóttir hafi samið við ÍBV. Ásdís lék með Skara HF í Svíþjóð fyrri hluta síðasta keppnistímabils en flutti heim í kringum áramótin og tók sér hvíld frá handknattleik.
Konur – helstu félagaskipti 2023
Ásdís var í stóru hlutverki í Íslands-, bikar-, deildarmeistaraliði KA/Þórs 2020/2021 en hún er frá Akureyri en ákvað eftir leiktíðina vorið 2022 að söðla um. Ásdís er 25 ára gömul og leikur á línunni. Hún á 10 A-landsleiki að baki.
„Hún er reynslumikill leikmaður og mikill hvalreki fyrir okkar félag. Við hlökkum til að sjá Ásdísi í hvítu treyjunni,“ segir í tilkynningu ÍBV í dag en félagið samdi í síðustu viku við Bitney Cots.
