Guðlaug Embla hefur fært sig um set

Guðlaug Embla Hjartardóttir hefur skrifað undir samning við handknattleiksdeild Gróttu. Hún er fædd árið 2002 og kemur frá Val þar sem hún hefur leikið undanfarin ár með ungmennaliði félagsins. Guðlaug Embla leikur sem línumaður og hefur æft og leikið fyrir unglingalandslið HSÍ.

„Það eru virkilega góð tíðindi að Gulla taki slaginn með okkur enda hæfileikaríkur og reynslumikill leikmaður þrátt fyrir ungan aldur. Gulla er toppkarakter og passar frábærlega inn leikmannahópinn okkar,“ sagði Sigurjón Friðbjörn Björnsson þjálfari Gróttu í tilkynningu.

Guðlaug Embla spilaði sinn fyrsta leik fyrir Gróttu í gær þegar Grótta vann stórsigur á HK í Kórnum, 29:16.