Fjórða umferð Meistaradeildar kvenna í handknattleik fór fram um helgina. Á laugardaginn var boðið uppá skandinavískan slag af bestu gerð þegar danska liðið Esbjerg gerði sér lítið fyrir og lagði ríkjandi Evrópumeistara í Vipers Kristiansand 38 – 37.
Norska landsliðskonan Henny Reistad skoraði sigurmark Esbjerg á síðustu sekúndu leiksins sem fram fór í Kristiansand. Vipers hefur þar með tapað tveimur af fjórum fyrstu leikjum sínum í riðlakeppninni.
Ungverska liðið FTC og Rapid Búkarest áttust við í leik umferðarinnar þar, FTC fór betur af stað og náði meðal annars sex marka forskoti. Rúmenska liðið kom af krafti til baka og lauk leiknum með jafntefli, 24 – 24.
Danska liðið Odense sigraði ungverska liðið DVSC, 33 – 30, og hefur þar með unn þrjá leiki í röð. Þýska meistaraliðið Bietigheim hélt áfram sigurgöngu sinni. Bietigheim lagði Brest að velli, 34 – 30. Karolina Kudlacz-Gloc átti stórleik og skoraði 14 mörk. Lokaleikur laugardagsins var viðureign Metz og Lubin. Fáum að óvörum vann Metz stórsigur, 42 – 26.
Sex lið luku svo umferðinni með þremur leikjum í gær. CSM Búkarest vann auðveldan útisigur gegn Sävehof, 41 – 26. Györ átti einnig frekar þægilegan dag gegn Buducnost á heimavelli, 37-19.
Mesta spennan var í viðureign Ikast og Krim þar sem jafnt var á nánast öllum tölum allt þar til í lokin að Markéta Jerábková tryggði danska liðinu sigurinn, 33 – 32, með marki á loka andartökum viðureignarinnar.
Úrslit helgarinnar
A-riðill:
Bietigheim 34 – 30 Brest (17 – 16).
Odense 33 – 30 DVSC (17 – 14).
Sävehof 26 – 41 CSM Búkarest (11 – 22).
Györ 37 – 19 Buducnost (23 – 8).
B-riðill:
FTC 24 – 24 Rapid (14 – 10).
Vipers Kristiansand 37 – 38 Esbjerg (15 – 20).
Metz 42 – 26 Lubin (22 – 10).
Ikast 33 – 32 Krim (14 – 18).
Fimm bestu mörk fjórðu umferðar:
Goals of all kinds for our 𝗧𝗢𝗣 𝗚𝗢𝗔𝗟𝗦 – 𝗥𝗼𝘂𝗻𝗱 𝟰! #ehfcl #CLW
— EHF Champions League (@ehfcl) October 2, 2023
5️⃣ PLANETA | DVSC Schaeffler
4️⃣ SMITS | SG BBM Bietigheim
🥉 MICHALAK | KGHM MKS Zaglebie Lubin
🥈 JERÁBKOVÁ | Ikast Håndbold
🥇 REISTAD | Team Esbjerg
Vote for your favourite! 👇👇👇 pic.twitter.com/tndD3CXtU7
