HK vann ungmennalið Fram, 32:29, í síðasta leik ársins í Grill 66-deild kvenna í handknattleik í dag. Leikurinn fór fram í Kórnum í Kópavogi. HK var með yfirhöndina að loknum fyrri hálfleik, 18:14. Með sigrinum hafði HK sætaskipti í deildinni við Framliðið. HK settist í fimmta sætið með stigin sín 10. Fram er í sjötta sæti einnig með 10 stig að loknum 10 leikjum af 18.
Þráðurinn verður tekinn upp í Grill 66-deild kvenna 6. janúar með viðureign Selfoss og Fjölnis í Sethöllinni á Selfossi.
Mörk HK: Anna Valdís Garðarsdóttir 10, Aníta Eik Jónsdóttir 6, Inga Fanney Hauksdóttir 4, Leandra Náttsól Salvamoser 4, Aníta Björk Bárðardóttir 3, Amelía Laufey G. Miljevic 2, Katrín Hekla Magnúsdóttir 1, Elfa Björg Óskarsdóttir 1, Stella Jónsdóttir 1.
Varin skot: Tanja Glóey Þrastardóttir 14.
Mörk Fram U.: Sóldís Rós Ragnarsdóttir 8, Alfa Brá Hagalín 5, Valgerður Arnalds 5, Sara Rún Gísladóttir 4, Íris Anna Gísladóttir 3, Elín Ása Bjarnadóttir 3, Þóra Lind Guðmundsdóttir 1.
Varin skot: Ingunn María Brynjarsdóttir 17.
Staðan og næstu leikir í Grill 66-deildum.
