Leikmenn íslenska liðsins hafa skorað 83 mörk í þremur leikjum á EM, sem er 27,67 mörk í leik; Serbía 27:27, Svartfjallaland 31:30 og Ungverjaland 25:33. Flest mörkin hafa verið skoruð eftir gegnumbrot, eða átján.
Hér kemur listinn yfir skoruð mörk; Serbía, Svartfjallaland, Ungverjaland og samtals mörk:
| Leikur: | 1 | 2 | 3 | samt.: |
| Gegnumbrot | 4 | 7 | 7 | 18 |
| Úr horni | 6 | 6 | 3 | 15 |
| Langskot | 4 | 7 | 2 | 13 |
| Vítaköst | 4 | 3 | 6 | 13 |
| Hraðaupphlaup | 6 | 1 | 3 | 10 |
| Af línu | 2 | 5 | 2 | 9 |
| Miðja – tómt mark | 1 | 2 | 2 | 6 |
* Ólafur Ingi Magnússon hefur skorað flest mörk eftir gegnumbrot, eða 5. Viggó Kristjánsson 4, Elvar Örn Jónsson 3, Janus Daði Smárason 2, Aron Pálmarsson 2, Gísli Þorgeir Kristjánsson 2.
* Arnar Freyr Arnarsson skorði tvö mörk af línu gegn Serbíu.
* Elliði Snær Viðarsson skoraði fjögur mörk af línu gegn Svartfjallalandi og Sigvaldi Björn Guðjónsson eitt.
* Elliði Snær skoraði tvö mörk af línu gegn Ungverjalandi.
* Elliði Snær hefur skorað 4 mörk frá miðju; í tómt markið og Viggó Kristjánsson eitt.
* Bjarki Már Elísson skoraði 3 mörk úr horni og 3 mörk eftir hraðaupphlaup gegn Serbíu. Það gerði Sigvaldi einnig.
* Bjarki Már skoraði 2 mörk úr horni gegn Svartfjallalandi og eitt eftir hraðaupphlaup. Sigvaldi skoraði tvö mörk úr horni.
* Stiven Tobar Valencia og Óðinn Þór Ríkharðsson skoruðu sitt hvort markið úr horni gegn Svartfjallalandi.
* Bjarki Már skoraði eitt mark úr horni og eitt eftir hraðaupphlaup gegn Ungverjalandi; bæði í fyrri hálfleik. Sigvaldi skoraði tvö mörk úr horni.
Viðureign Íslands og Þýskalands í fyrstu umferð milliriðlakeppni Evrópumóts karla í handknattleik hefst klukkan 19.30 í kvöld. M.a. verður fylgst með leiknum í textalýsingu á handbolti.is.
