Íslenska landsliðið í handknattleik karla, skipað leikmönnum 18 ára og yngri, dróst í F-riðil á Evrópumótinu sem fram fer 7. til 18. ágúst í Podgorica í Svartfjallalandi. Heimamenn máttu velja sér riðil áður dregið var úr öðrum styrleikaflokki. Þeir völdu F-riðil þar sem þegar var búið að draga íslenska landsliðið úr fyrsta flokki, Færeyinga úr þriðja flokki og Ítalía úr þeim fjórða.
Í fyrsta sinn verða 24 þátttökulið í lokakeppni EM ára landsliða karla sem eins og áður segir fer fram frá 7. til 18. ágúst í Podgorica. Eins og á fyrri mótum, þegar þátttökulið voru 16, þá verður leikið um öll sætin sem þýðir að liðin verða á mótsstað frá upphafi til enda mótsins.
Riðlaskiptingin:
| A-riðill: | B-riðill: | C-riðill: |
| Króatía | Þýskaland | Danmörk |
| Slóvenía | Frakkland | Noregur |
| Serbía | Pólland | Tékkland |
| Grikkland | N-Makedónía | Úkraína |
| D-riðill: | E-riðill: | F-riðill: |
| Svíþjóð | Spánn | Ísland |
| Ungverjaland | Portúgal | Svartfjallaland |
| Sviss | Austurríki | Færeyjar |
| Ísrael | Rúmenía | Ítalía |
Dregið var eftir hádegið í dag.
U18EM karla: Ísland í riðli með heimaliðinu, Færeyingum og Ítölum
