„Við vorum frábærir fyrstu tíu mínúturnar en hörmulega lélegir eftir það. Þetta var algjört afhroð jafnt í vörn sem sókn,“ sagði Andri Berg Haraldsson þjálfari Víkings í samtali við samfélagsmiðla KA eftir 15 marka tap fyrir KA í 19. umferð Olísdeildar karla í handknattleik í KA-heimilinu í gær, 33:18.
Víkingar eru í 10. sæti af 12 liðum Olísdeildar þegar þrjár umferðir eru eftir og mætir HK í 20. umferð á heimavelli á miðvikudaginn. HK er í 11. sæti, stigi á eftir Víkingi.
Andri Berg sagði erfitt að fullyrða strax eftir leik hvað kom fyrir en ljóst sé að liðið hafi koðnað niður við mótspyrnu KA-manna.
„KA skoraði átta mörk í röð. Við sáum ekki til sólar eftir það,“ sagði Andri Berg ennfremur.
Viðtalið við Andra Berg í held sinni er að finna hér fyrir neðan.
Andri Berg Haraldsson, þjàlfari Víkingar, var að vonum súr eftir 15 marka tap gegn KA í kvöld @handkastid @handboltiis @vikingurfc pic.twitter.com/Vit6ALMjyd
— KA (@KAakureyri) March 23, 2024
Staðan og næstu leikir í Olísdeildum.
