- Auglýsing -
- Katrín Ósk Ástþórsdóttir hefur skrifað undir nýjan tveggja ára samning við handknattleiksdeild FH. Katrín Ósk er mjög efnilegur leikmaður sem getur bæði spilað sem miðjumaður og skytta. Katrín Ósk hefur komið mjög sterk inn í FH-liðið á síðustu misserum eftir erfið meiðsli, segir í tilkynningu frá FH.
- Minaur Baia Mare sem mætir Val síðar í þessu mánuði í undanúrslitum Evrópubikarkeppni karla í handknattleik vann Steaua Búkarest, 32:27, á heimavelli í rúmensku 1. deildinni í handknattleik. Valur lagði Steaua í tvígang í átta liða úrslitum, 36:35, í Búkarest fyrir nærri hálfum mánuði og aftur á Hlíðarenda á síðasta laugardag, 36:30. Minaur Baia Mare er í þriðja sæti rúmensku deildarinnar, nokkuð á eftir Dinamo Búkarest og CSM Constanta. Steaua er sem fyrr í 10. Sæti.
- Alina Grijseels fyrirliði þýska kvennalandsliðsins í handknattleik meiddist í fyrri hálfleik í viðureign Þýskaland og Úkraínu í undankeppni EM í gær. Hún kom ekkert meira við sögu í leiknum. Meiðsli Grijseels eru áhyggjuefni fyrir þýska landsliðsins, ekki sökum tveggja síðustu leikjanna í undankeppninni, heldur vegna þátttöku í forkeppni Ólympíuleikanna sem hefst á fimmtudaginn.
- Þýska landsliðið vann leikinn við Úkraínu í gær í 2. riðli undankeppni EM kvenna með miklum yfirburðum, 43:21, og innsiglaði þar með þátttökurétt sinn í lokakeppni EM í desember.
Sjá einnig: EM kvenna ’24: Úrslit og staðan – 5. og 6. umferð
- Sænska landsliðskonan Jamina Roberts hefur framlengt samning sinn við Evrópumeistara Vipers Kristiansand til næstu tveggja ára. Roberts kom til félagsins fyrir tveimur árum.
- Auglýsing -
