- Auglýsing -
Markvörðurinn Sigurður Dan Óskarsson hefur gert nýjan samning við handknattleiksdeild Stjörnunnar til ársins 2026. Sigurður er 24 ára gamall og kom til Stjörnunnar frá FH fyrir fjórum árum og hefur síðan reynst liðinu mikilvægur.
„Siggi Dan er frábær markmaður, mikill íþróttamaður og mikilvægur hlekkur í okkar liði. Það gleður mig mikið að hann verði áfram hjá okkur í Stjörnunni, öflugur liðsmaður sem setur liðið alltaf númer eitt og svo er hann með yndislegan persónuleika,“ segir Patrekur Jóhannesson, íþrótta og rekstrarstjóri handknattleiksdeildar Stjörnunnar, í tilkynningu deildarinnar í dag.