(upptaka á farsíma handbolta.is)
Haukar unnu upp þriggja marka forskot Fram á liðlega tveimur síðustu mínútum fyrsta leiks liðanna í undanúrslitum Olísdeildar kvenna í handknattleik í kvöld. Leikmenn Hauka unnu boltann þegar 26 sekúndur voru til leiksloka. Fram var marki yfir, 23:22. Eftir að hafa lagt á ráðinn var haldið í síðustu sóknina sem lauk með að Sonja Lind Sigsteinsdóttir vann vítakast. Elín Klara Þorkelsdóttir skoraði úr vítakastinu, 23:23. Framlenging tók við.
Lokasókn Hauka í venjulegum leiktíma og jöfnunarmarkið er í myndskeiðinu efst í fréttinni. Myndskeiðið er tekið upp á farsíma umsjónarmanns handbolta.is.
Haukar unnu leikinn í framlengingu, 27:23, og tryggðu sér fyrsta vinninginn í undanúrslitarimmunni. Næsta viðureign liðanna verður á Ásvöllum á föstudagskvöld.
Sjá einnig:
Leikmönnum Fram féll allur ketill í eld – Haukar gengu á lagið
Olís kvenna: Úrslitakeppni, leikjadagskrá
