Örvhenti hornamaðurinn Ott Varik hefur skrifað undir nýjan tveggja ára samning við handknattleiksdeild KA. Varik gekk í raðir KA síðasta sumar skoraði 115 mörk í 27 leikjum og var meðal markahæstu manna Olísdeildarinnar.
Varik sem er 33 ára gamall er landsliðsmaður Eistlands og verður væntanlega í hópnum sem mætir íslenska landsliðinu í umspili um HM-sæti 8. og 11. maí. Fyrri viðureignin verður hér landi.
„Ekki er nóg með að standa fyrir sínu inni á vellinum heldur hefur hann lagt sig fram utan vallar en hann var meðal annars með vel heppnaðar aukaæfingar fyrir metnaðarfulla iðkendur. Þá hefur hann lagt sig fram við að læra íslensku og er orðinn ansi liðtækur við að tjá sig. Það eru ákaflega jákvæðar fréttir að við höldum Ott áfram innan okkar raða og hlökkum við til að sjá áfram til hans í gula og bláa búningnum,“ segir í tilkynnningu handknattleiksdeildar KA á laugardaginn.
