- Auglýsing -
Stífar æfingar standa yfir hjá íþróttafélaginu Ægi í Vestmannaeyjum en hópur íþróttamanna er á leið til Danmerkur að taka þátt í Idrætsfestival á vegum Special Olympics. Þar munu þau keppa bæði í handbolta og boccia. Farið verður út 23. maí og hefst mótið nokkrum dögum síðar.
Mótið er stórt og mikið og mjög spennandi að taka þátt og þá sérstaklega að fá að keppa í fyrsta skipti á handboltamóti. Átta keppendur munu taka þátt í handboltanum og tveir í boccia.
Viska, sem er fræðslu og símenntunarmiðstöð í Vestmannaeyjum bauð upp á námskeið í reglum handboltans sem var í umsjón Sindra Ólafssonar sem er öllum hnútum kunnugur í íþróttinni.
Fleiri myndir eru á Facebook-síðu Visku: