- Auglýsing -
- Útlit er fyrir að hart verði barist um eina lausa sætið sem eftir er af 32 á heimsmeistaramóti karla í handknattleik sem fram fer á næsta ári. Eins og áður hefur komið fram ætla Serbar að krækja í sæti. Handknattleikssamband Sviss ætlar sér einnig að hreppa hnossið eftir að landslið Sviss tapaði fyrir Slóveníu í vítakeppni í umspili.
- Svartfellingar sækjast einnig eftir að öðlast sætið góða. Stjórnendur handknattleikssambands Svartfjallalands segir landslið sitt standa betur að vígi en Sviss og Serbía með tilliti til niðurstöðu EM í janúar.
- Felix Claar, samherji Gísla Þorgeirs Kristjánssonar, Janusar Daða Smárason og Ómars Inga Magnússonar hjá SC Magdeburg, var á dögunum valinn handknattleiksmaður Svíþjóðar fyrir keppnistímabilið 2024/2025.
- Fyrsti úrslitaleikur Brühl og Amicitia Zürich um svissneska meistaratitilinn í handknattleik kvenna fer fram í kvöld. Harpa Rut Jónsdóttir er leikmaður Amicitia Zürich.
- Frederik Møller Wolff markvörður hefur skrifað undir fimm ára samning við GOG sem væri svo sem ekki í frásögur færandi nema vegna þess að piltur er 18 gamall. Hann þykir gríðarlegt efni og kemur upp úr yngri liða starfi félagsins. GOG ætlar svo sannarlega ekki að láta markvörðinn efnilega sér úr greipum ganga.