Ísland verður í riðli með Króatíu, Noregi, Færeyjum og Litáen á Opna Evrópumótinu í handknattleik kvenna sem fram fer í Partille í Svíþjóð í byrjun júlí. Dregið var í riðla í morgun.
Alls taka 20 landslið þátt í mótinu sem haldið er annað hvort ár samhliða Partille Cup-móti barna og unglinga.
Þau ár sem EM 16 landsliða kvenna fer ekki fram reyna piltalandslið með sér. Sú var einmitt raunin á síðasta ári og var Ísland með og hafnaði í 5. sæti.
Sjö efstu liðin á Opna EM 16 ára landsliða kvenna í sumar vinna sér inn keppnisrétt á Ólympíuhátíð Evrópuæskunnar sem fram fer í Skopje í Norður Makedóníu í júlí 2025. Ísland hefur nokkrum sinnum átt handknattleikslið í karlaflokki á Ólympíuhátíðinni en ekki kvennalið.
Nokkuð er síðan Díana Guðjónsdóttir og Jón Brynjar Björnsson þjálfarar U16 ára landsliðs kvenna völdu æfingahópinn fyrir sumarið en auk þátttöku á Opna Evrópumótinu standa fyrir dyrum tveir vináttuleikir við Færeyinga í upphafi næsta mánaðar.
Hópinn er að finna í fréttinni hér fyrir neðan:
