- Auglýsing -
- Bjarki Már Elísson leikur til úrslita með Telekom Veszprém í ungversku bikarkeppninni í dag gegn Pick Szeged. Telekom Veszprém vann Dabas KC, 38:27, í undanúrslitum í gær. Bjarki Már skoraði fimm mörk í leiknum.
- Orri Freyr Þorkelsson skoraði 4 mörk í öruggum sigri liðs hans, Sporting, á Benfica í uppgjöri Lissabonliðanna í portúgölsku 1. deildinni í handknattleik í gær, 41:32. Stiven Tobar Valencia lék ekki með Benfica fremur en í undanförnum leikjum. Hann frá keppni vegna meiðsla.
- Á sama tíma og Lissabonliðin áttust við vann Porto liðsmenn ABC de Braga, 34:25, í Porto. Á laugardaginn mætast Sporting og Porto í Lissabon í síðustu umferð úrslitakeppni fjögurra efstu liða deildarinnar. Sigurliðið verður portúgalskur meistari.
- Hannes Jón Jónsson stýrði Alpla Hard til sigurs á Krems í fyrstu viðureign liðanna í undanúrslitum um austurríska meistaratitilinn í handknattleik karla í gær, 32:26. Næsta viðureign liðanna fer fram á heimavelli Krems á þriðjudaginn.-
- Tumi Steinn Rúnarsson skoraði ekki mark þegar lið hans, HSC 2000 Coburg, vann Dessau-Roßlauer HV 06, 30:27, á útivelli í 2. deild þýska handknattleiksins í gær. Coburg situr í sjötta sæti deildarinnar og á tvo leiki eftir. Tumi Steinn yfirgefur Coburg í sumar og gengur til liðs við Alpla Hard í Austurríki sem getið er um hér að ofan.
- Stöðuna í þýsku 2. deildinni er m.a. að finna hér.