Nóg verður að gera hjá yngri landsliðunum í handknattleik um helgina. Fjögur yngri landslið etja kappi við landslið Færeyja í vináttulandsleikjum. U-16 og U-18 ára landslið kvenna ásamt U-20 ára landsliði karla leika hér á landi á meðan U-16 ára landslið karla stendur í stórræðum í Færeyjum.
Liðin leika tvo leiki hvert um helgina, á laugardag og sunnudag. Viðureignirnar hér á landi fara fram í íþróttahúsi Víkings í Safamýri. Leikjadagskráin er hér fyrir neðan.
Laugardagur:
Kl. 12 – U16 kvenna.
Kl. 14 – U18 kvenna.
Kl. 16 – U20 karla.
Sunnudagur:
Kl. 12 – U16 kvenna.
Kl. 14 – U18 kvenna.
Kl. 16 – U20 karla.
Strákarnir í U-16 ára liðinu leika báða leiki sína í Færeyjum klukkan 14 á íslenskum tíma. Laugardagsleikurinn verður háður á Giljanesi en daginn eftir reyna liðin með sér í Kollafirði.
Útsending frá báðum leikjum verður á live.hsf.fo. Hægt verður að fylgjast með gegn vægu gjaldi.
