55. þáttur af hlaðvarpsþættinum Handboltinn okkar fór í loftið í dag. Umsjónarmenn þáttarins að þessu sinni voru þeir Gestur Guðrúnarson og Arnar Gunnarsson.
Í þættinum fóru þeir yfir allt það helsta sem fram fór í 19. umferð Olísdeildar karla þar sem að Haukar héldu uppteknum hætti og unnu enn einn leikinn. Valsmenn virðast vera að hrista af sér vonbrigði vetrarins og eru óðum að ná vopnum sínum. Þá héldu Eyjamenn áfram að gera góða hluti undir stjórn Kristins Guðmundssonar en þeir hafa nú unnið fimm leiki af þeim sex sem þeir hafa verið án Erlings Richardssonar.
Að lokum völdu þeir hvaða leikmenn koma til greina sem BK leikmaður 19. umferðar. Þeir sem eru tilnefndir að þessu sinni eru, Adam Haukur Baumruk (Haukum), Agnar Smári Jónsson (Val), Einar Sverrisson (Selfoss), Phil Dölher (FH), Árni Bragi Eyjólfsson (KA) og Petar Jokanovic (ÍBV).
