- Auglýsing -
- Hvorki Ágúst Elí Björgvinsson né Elvar Ásgeirsson léku með Ribe-Esbjerg í gær þegar liðið gerði jafntefli við Bjerringbro /Silkeborg, 28:28, í æfingaleik liðanna tveggja sem eiga sæti í dönsku úrvalsdeildinni.
- Eftir því sem fram kemur á Facebook-síðu Ribe-Esbjerg hefur Ágúst Elí verið lasinn síðustu daga. Elvar er á hinn bóginn úr leik vegna axlarmeiðsla sem hann varð fyrir í úrslitakeppninni í vor. Elvar er sagður á batavegi eftir aðgerð og verður væntanlega klár í slaginn á ný á handknattleiksvellinum í september.
- Ekki tókst að grafa upp eitthvað um þátttöku Guðmundar Braga Ástþórssonar, nýs leikmanns Bjerringbro/Silkeborg, í leiknum í gær.
- Guðjón Valur Sigurðsson þjálfari þýska handknattleiksliðsins Vfl Gummersbach og fyrrverandi fyrirliði íslenska landsliðsins er 45 ára gamall í dag. Fjögur ár eru liðin síðan Guðjón Valur lét gott heita sem leikmaður og tók við þjálfun Gummersbach með góðum árangri, m.a. var hann valinn þjálfari ársins í þýska handknattleiknum í karlaflokki leiktíðina 2022/2023.
- Einar Þorsteinn Ólafsson skoraði þrjú mörk fyrir Fredericia HK þegar liðið gerði jafntefli við TTH Holstebro, sem Arnór Atlason þjálfari, 29:29. Arnór Viðarsson skoraði ekki mark að þessu sinni. Að vanda stjórnaði Guðmundur Þórður Guðmundsson liði Fredericia HK sem mætir næst Ribe-Esbjerg í æfingaleik 17. ágúst.
- Auglýsing -
