- Auglýsing -
- Jóhann Ingi Gunnarsson, sálfræðingur og fyrrverandi landsliðsþjálfari með meiru, hefur með sérfræðiþekkingu sinni aðstoðað handknattleiksdómara á Ólympíuleikunum í París og Lille líkt og hann hefur gert árum saman á mörgum öðrum stórmótum í handknattleik. Dómarar, ekkert síður en margir aðrir þátttakendur stórmóta, mæta miklu álagi og þá getur verið gott að eiga hauk í horni eins og Jóhann Inga.
- KA vann HK, 24:21, í úrslitaleik Opna norðlenska handknattleiksmótsins í karlaflokki í gær. KA-menn voru sex mörkum yfir að loknum fyrri hálfleik, 14:8. Þór lagði Selfoss í viðureign um þriðja sætið, 37:32.
- Elvar Örn Jónsson lék ekki með MT Melsungen í æfingaleik við Hannover-Burgdorf í fyrradag. Leiknum lauk með jafntefli. Arnar Freyr Arnarsson lék á hinn bóginn með Melsungen og skoraði tvö mörk. Dainis Kristopans og Alexandre Cavalcanti voru heldur ekki með Melsungen að þessu sinni.
- Andri Már Rúnarsson skoraði sigurmark SC DHfK Leipzig, 34:33, gegn Elbflorenz á æfingamóti í fyrradag. SC DHfK Leipzig hafi unnið EHV Aue, 44:29, á mótinu sem nefnist Sachsen Cup.
- Elliði Snær Viðarsson skoraði fjögur mörk fyrir Gummersbach þegar liðið vann sænska meistaraliðið Sävehof, 39:35, á hinu árlega Heidi-Cup æfingamóti í Þýskalandi.
- Arnar Birkir Hálfdánsson skoraði tvisvar fyrir sænska úrvalsdeildarliðið Amo þegar liðið vann IF Hallby, 31:24, í æfingaleik í gær.
- Auglýsing -
