Gunnar Líndal Sigurðsson verður aðstoðarþjálfari karlaliðs Þórs á komandi keppnistímabili. Hann hefur þegar tekið til starfa og m.a. verið Halldór Erni Tryggvasyni til halds og trausts síðustu daga í leikjum Þórs á Ragnarsmótinu á Selfossi. Þór leikur í Grill 66-deildinni.
Gunnar er þrautreyndur þjálfari og var m.a. með kvennalið KA/Þórs um skeið auk þess að koma að þjálfun hjá Þór
Koma Gunnars Líndal að Þórsliðinu eru einu nýju fréttirnar úr herbúðum félagsins úr Þorpinu. Ólafur Atli Malmquist Hulduson hefur ákveðið að ganga til liðs við Þór eftir að hafa leikið með liðum félaga fyrir sunnan undanfarin ár, m.a. ÍR og nú síðast Fjölni. Ólafur er af góðum og gegnum Þórsættum, ef svo má segja.
Einnig segir Þór frá að Bergvin Þór Gíslason er kominn heim á ný einnig eftir veru með félagsliðum á höfuðborgarsvæðinu. Eins og handbolti.is sagði frá fyrir skemmstu ætlar Bergvin Þór að taka þátt í leikjum Þórs á útivelli vegna þess að hann býr áfram á höfuðborgarsvæðinu. Bergvin Þór var síðast með Aftureldingu.
Fyrr í ár var m.a. sagt frá komu Hafþórs Más Vignissonar, Odds Gretarssonar og Þórðar Tandra Ágústssonar til Þórs sem ætlar sér mikið í Grill 66-deild kara á næstu leiktíð eftir að hafa verið nærri sæti í Olísdeildinni í vor.
Karlar – helstu félagaskipti 2024
Þjálfarar – helstu breytingar 2024
