Fréttatilkynning frá HSÍ og Icelandair
„Stelpurnar okkar tryggðu sér í vor sæti á EM 2024 sem spilað verður í Sviss, Austurríki og Ungverjalandi. Ísland leikur í F-riðli sem spilaður verður í hinni fögru borg Innsbruck í Austurríki. Fyrsti leikur Íslands verður gegn Hollandi 29. nóvember, því næst leika þær gegn Úkraínu 1. desember og síðasti leikur riðlakeppninnar er gegn Þýskalandi 3. desember.
Icelandair, traustur bakhjarl HSÍ býður upp á pakkaferðir þar sem boðið er upp á flug og miða bæði á tvo og þrjá leiki Íslands í Innsbruck. Handboltaveisla og jólamarkaðir eru m.a. það sem austurrísku alparnir bjóða upp á þegar landsliðið tekur þátt í EM. Sérsveitin, stuðningssveit landsliðsins mun vera á staðnum til að hita upp fyrir stuðningsmenn Íslands.
Stelpurnar okkar eru annað árið í röð að taka þátt í stórmóti í handbolta og eru íslenskir stuðningsmenn þekktir fyrir að fjölmenna með handboltalandsliðum á stórmót.
Upplýsingar um pakkaferðir Icelandair má finna hér: Íþróttaferðir Icelandair | Icelandair IS
Þeir sem eingöngu þurfa miða á leikina geta sent tölvupóst á [email protected]
Styðjum stelpurnar okkar og njótum fyrstu daga aðventunnar með þeim á stórmóti í handbolta!“
