- Auglýsing -
- Franski landsliðsmaðurinn Dika Mem leikur ekki með Barcelona næstu vikurnar. Hann varð fyrir axlarmeiðslum undir lok viðureignar Barcelona og Pick Szeged í Meistaradeild Evrópu á fimmtudagskvöldið. Mem er einn besti handknattleiksmaður heims og átti hvað stærstan þátt í sigri Barcelona í úrslitaleik Meistaradeildar Evrópu í vor gegn Aalborg Håndbold.
- Mathias Gidsel er markahæstur í þýsku 1. deildinni í handknattleik með 29 mörk þegar þrjár umferðir eru að baki. Gidsel, sem leikur með Füchse Berlin, varð næst markahæstur á síðasta keppnistímabili. Athygli vekur að Gidsel tekur ekki vítaköst fyrir liðið.
- Ómar Ingi Magnússon leikmaður meistara SC Magdeburg er markahæstur íslensku leikmannanna í deildinni með 17 mörk.
- Spænski landsliðsmaðurinn Alex Dujshebaev meiddist á ökkla í fyrsta leik Industria Kielce í fyrsta leik liðsins í Meistaradeild Evrópu fyrir hálfum mánuði. Nú þykir ljóst að hann leikur ekki með liðinu fyrr en í nóvember í fyrsta lagi.
- Auglýsing -
