- Auglýsing -
- Elliði Snær Viðarsson skoraði sex mörk úr sex tilraunum í sjö marka sigri Gummersbach á Stuttgart, 35:28, í þýsku 1. deildinni í handknattleik. Leikið var í Stuttgart. Teitur Örn Einarsson lék ekki með Gummersbach vegna meiðsla eins og sagt var frá í fyrradag. Guðjón Valur Sigurðsson er þjálfari Gummersbach sem komst inn á sporið á ný eftir tvo tap leiki í röð.
- Óðinn Þór Ríkharðsson skoraði tvö mörk, annað úr vítakasti, í fimm marka sigri Kadetten Schaffhausen á Amicitia Zürich, 28:23, í sjöttu umferð svissnesku A-deildarinnar í handknattleik í gærkvöld. Kadetten er efst í deildinni með 10 stig að loknum sex leikjum. Suhr Aarau er næst á eftir með átta stig eftir fimm viðureignir.
- Arnar Birkir Hálfdánsson skoraði þrisvar sinnum fyrir Amo HK í fimm marka tap fyrir Hammarby, 32:27, í sænsku höfuðborginni í gær þegar liðin mættust í fjórðu umferð úrvalsdeildarinnar.
- Einar Bragi Aðalsteinsson skoraði ekki mark þegar IFK Kristianstad vann stórsigur á Önnereds, 43:29, í sænsku úrvalsdeildinni á heimavelli í gær.
- Stöðuna í ýmsum deildum evrópsks handknattleiks er að finna hér.
- Tumi Steinn Rúnarsson var ekki á meðal þeirra sem skoruðu fyrir Alpla Hard þegar liðið gerði jafntefli við Aon Fivers, 29:29, á útivelli í austurrísku 1. deildinni í gær. Hannes Jón Jónsson er þjálfari Alpla Hard sem er í sjöunda sæti með fjögur stig eftir fjórar umferðir.
- Eftir sigur í fjórum fyrstu leikjum tímabilsins í norsku úrvalsdeildinni þá tapaði Drammen í gær fyrir Haslum HK, 34:29, í Nadderud Arena eftir jafna stöðu að loknum fyrri hálfleik. Viktor Petersen Norberg skoraði fimm mörk fyrir Drammen. Ísak Steinsson varði 1 skot þann tíma sem hann stóð í marki liðsins. Kolstad og Elverum hafa unnið fjórar fyrstu leiki sína og eru tveimur efstu sætunum með átta stig. Drammen er einnig með átta stig en hefur lokið fimm viðureignum.
- Hvorki hefur gengið né rekið í upphafi leiktíðar hjá Ribe-Esbjerg. Liðið rekur lestina í dönsku úrvalsdeildinni án stig eftir fjóra leiki. Í gær tapaði Ribe-Esbjerg á heimavelli fyrir Nordsjælland, 35:32.
- Ágúst Elí Björgvinsson varði átta skot, 28%, þann tíma sem hann stóð vaktina í marki Ribe-Esbjerg. Elvar Ásgeirsson skoraði eitt mark og var einu sinni vikið af leikvelli. Ágúst Elí skoraði einnig eitt mark.
- Stöðuna í ýmsum deildum evrópsks handknattleiks er að finna hér.
- Auglýsing -
