- Auglýsing -
- Kristján Örn Kristjánsson, Donni, var besti leikmaður Skanderborg AGF í gær þegar liðið vann nýliða dönsku úrvalsdeildarinnar, Grindsted GIF, 32:21, fjórðu umferð dönsku úrvalsdeildarinnar í gærkvöld. Donni skoraði sex mörk og gaf fjórar stoðsendingar. Skanderborg AGF hefur fjögur stig eftir fjóra leiki. Grindsted GIF, sem kom fremur óvænt upp úr næst efstu deild í vor, er án stiga í neðsta sæti ásamt Ribe-Esbjerg.
- Tryggvi Þórsson skoraði tvö mörk fyrir sænska meistaraliðið IK Sävehof þegar það vann Alingsås á heimavelli í gærkvöld, 30:21. IK Sävehof og Ystads IF eru jöfn með sex stig eftir þrjár fyrstu umferðirnar í Svíþjóð. Ystads IF vann Guif, 33:24, á heimavelli í gær.
- Stöðuna í dönsku og sænsku úrvalsdeildinni og fleiri deildum evrópsks handknattleiks er að finna hér.
- Auglýsing -
