„Ég var ótrúlega ánægður með varnarleikinn og markvörsluna í kvöld. Þetta var allt annað en í leikjunum á undan. Við eigum ennþá inn í sóknarleiknum sem er eðlilegt vegna þess að við höfum einblínt á varnarleikinn síðustu daga,“ sagði Halldór Stefán Haraldsson þjálfari KA í samtali við samfélagsmiðla félagsins eftir fyrsta sigur liðsins í Olísdeildinni á keppnistímabilinu. KA lagði ÍR, 28:24, í KA-heimilinu.
Halldór Stefán sagði skiljanlega ríkja mikinn létti innan hópsins yfir sigrinum. „Þess var vart að það vantaði meira sjálfstraust í liðið í leiknum. Sigurinn er hinsvegar ótrúlega mikilvægur fyrir okkur og ýtir okkur vonandi af stað,“ sagði Halldór Stefán ennfremur.
Lengra myndskeiðsviðtal við Halldór Stefán sem handbolti.is fékk sent frá KA er að finna hér fyrir ofan.
Staðan og næstu leikir í Olísdeildum.
Fyrsti sigur KA er staðreynd – Grótta upp í annað sæti
