„Þetta er allt mikið stærra en við höfum áður kynnst,“ segir Ásgeir Jónsson formaður handknatleiksdeildar FH í samtali við Valgeir Þórð Sigurðsson sem er með FH í för í Toulouse í Frakklandi þar sem FH-ingar hefja keppni í Evrópudeildinni í handknattleik á morgun.
Vika í veisluna í Kaplakrika
Eftir leikinn í Frakklandi verður aðeins vika þangað til að Valur og Porto og FH og Gummersbach mætast í mikilli handboltaveislu í Kaplakrika sem er hluti af þátttöku beggja liða í Evrópudeildinni. Ásgeir segir miðasölu á leikina ganga afar vel en seldur er dagpassi sem gildir á báðar viðureignir.
„Miðasala gengur gríðarlega vel en ég vil biðja fólk til að tryggja sér miða fljótlega. Boðið verður upp á mikla veislu frá því snemma dags og fram á kvöld,“ segir Ásgeir en nánar er rætt við hann í myndskeiðinu efst í þessari grein.
Miðasala á handboltaveisluna í Kaplakrika er á stubb.is – smellið hér.
