0
„Það er alltaf súrt að tapa leik en mér fannst við allir sem einn berjast allan leikinn. Það var mikið hjarta í þessari frammistöðu,“ sagði Jóhannes Berg Andrason leikmaður FH í samtali við Valgeir Þórð Sigurðsson sem er með FH í för í Toulouse hvar Hafnfirðingar léku í kvöld sinn fyrsta leik í riðlakeppni Evrópudeildarinnar gegn Fenix Toulouse, 37:30.
Spurður segir Jóhannes Berg mestan mun á liðunum liggja að leikmenn franska liðsins eru stærri og þyngri. Jóhannes segir að fullskipað FH-lið geti alveg staðið leikmönnum Fenix Toulouse á sporði.
„Við vorum í leik allt þangað til fimm til sex mínútur voru eftir. Við eigum fullt í þessa gæja. Það verður gaman að fá þá í Krikann. Það verður alltaf leikur,“ segir Jóhannes Berg ennfremur en Fenix Toulouse mætir til leiks í Kaplakrika 26. nóvember í síðustu umferð riðlakeppninnar.
Framundan hjá FH, eftir leik í Olísdeildinni í vikunni, er viðureign við Gummersbach í Kaplakrika eftir viku, á 95 ára afmæli Fimleikafélags Hafnarfjarðar.
Lengra myndskeiðsviðtal er við Jóhannes Berg er efst í þessari grein.
Sjö marka tap FH-inga í Toulouse
Elliði Snær markahæstur – Tryggvi, Stiven og Óðinn Þór
Evrópudeild karla “24 – riðlakeppni 32-liða – 1. umferð, úrslit
