Valur hefur tvisvar leikið gegn Gummersbach í Evrópukeppni og Víkingur og Fram einu sinni.
* Valur lék sinn fyrsta Evrópuleik gegn Gummersbach í Laugardalshöllinni í Evrópukeppni meistaraliða 1973-1974. Jón Hermann Karlsson varð fyrstur Valsmanna til að skora í Evrópuleik; gegn Gummersbach. Jón Hermann lét sér ekki nægja að skora fyrsta markið. Hann skoraði þrjú fyrstu mörk Vals, 3:2. Jón bætti við fjórða markinu, en hin mörk Vals í leiknum, sem Gummersbach vann 11:10, skoruðu bræðurnir Ólafur H., fimm og Jón Pétur Jónssynir, eitt. Ólafur skoraði fjögur síðustu mörk Vals í leiknum, en þess má geta að Þjóðverjarnir skoruðu tvö síðustu mörk leiksins.
* Valur tapaði í Þýskalandi 8:16. Bergur Guðnason var markahæstur Valsmanna, með þrjú mörk, en hin mörkin skoruðu: Jón Hermann tvö, Gísli Blöndal tvö og Gunnsteinn Skúlason eitt. Þjálfarar Vals voru Þórarinn Eyþórsson og Reynir Ólafsson, sem voru vélstjórar á hinnu frægu „Mulningsvél“ Vals.
* Valur mætti Gummersbach aftur í Evrópukeppni meistaraliða 2007-2008. Óskar Bjarni Óskarsson var þjálfari Vals, en Heimir Ríkarðsson var aðstoðarmaður hans. Valur tapaði báðum leikjunum, 24:33 heima og 22:34 úti. Arnór Þór Gunnarsson skoraði sjö mörk fyrir Val í útileiknum.
* Víkingur mætti Gummersbach í Evrópukeppni meistaraliða 1975-1976 undir stjórn Karls G. Benediktssonar. Víkingar tapaði báðum leikjunum; 16:19 heima og 12:21 úti. Páll Björgvinsson skoraði flest mörk Víkings í fyrri leiknum, en Viggó Sigurðsson skoraði flest mörk í seinni leiknum, fimm.
Fram mætti Gummersbach í Evrópukeppni meistaraliða, Meistaradeild Evrópu, keppnistímabilið 2006/2007. Gummersbach vann fyrri leikinn í Laugardalshöll, 38:20. Björgvin Páll Gústavsson átti þá mjög góðan leik í marki Fram og varði 18 skot, en Rúnar Kárason skoraði flest mörk Framara, eða fimm. Guðmundur Þórður Guðmundsson var þjálfari Fram.
Gummersbach vann seinni leikinn, sem fór fram í Leverkusen, 33:29. Jóhann Gunnar Einarsson skoraði flest mörk Framara, níu.
Nánar má lesa um leiki Fram og Gummersbach tímabilið 2006/2007 hér.
Miðasala á handboltaveisluna í Kaplakrika á þriðjudaginn er á stubb.is – smellið hér.
Evrópukeppni félagsliða – fréttasíða.
