- Auglýsing -
- Kristján Örn Kristjánsson, Donni, skoraði þrjú mörk fyrir Skanderborg AGF þegar liðið vann Kolding á heimavelli, 33:31, í fyrsta leik 8. umferðar dönsku úrvalsdeildarinnar í handknattleik í gær. Skanderborg AGF færðist upp um tvö sæti, í 7. sæti, með sigrinum með átta stig eftir átta leiki.
- Bjarki Finnbogason lék sinn fyrsta leik í gærkvöld með Anderstorps SK eftir að hann samdi við félagið á nýjan leik fyrr í vikunni. Hann skoraði ekki mark þegar Anderstorps SK tapaði fyrir Drott á heimavelli, 35:28. Anderstorps SK er næst neðst í Allsvenskan, næst efstu deild, með þrjú stig eftir sjö leiki.
- Rhein-Neckar Löwen vann HC Erlangen, 38:33, í þýsku 1. deildinni í handknattleik í gærkvöld. Arnór Snær Óskarsson var á leikskýrslu hjá Rhein-Neckar Löwen en kom ekkert við sögu í leiknum. Rhein-Neckar Löwen er í fjórða sæti deildarinnar með 10 stig eftir sjö leiki. Áfram er basl á Erlangen sem situr í 16. sæti af 18 liðum með tvö stig
- Auglýsing -
