- Auglýsing -
- Þorsteinn Gauti Hjálmarsson leikmaður Fram er í finnska landsliðinu sem kemur saman upp úr næstu helgi til undirbúnings og þátttöku í undankeppni Evrópumótsins. Finnska landsliðið mætir svartfellska landsliðinu í Podgorica 6. nóvember og tekur á móti Ungverjum í Vantaa í Finnlandi sunnudaginn 10. nóvember.
- Tvö ár eru síðan Þorsteinn Gauti var fyrst valinn í finnska landsliðið
- Vlado Nedanovski hefur verið leystur frá störfum þjálfara RK Vardar vegna óánægju með árangur liðsins á fyrstu mánuðum keppnistímabilsins. RK Vardar er í öðru sæti úrvalsdeildarinnar heimafyrir með 16 stig eftir níu leiki, átta sigra og eitt tap. Árangurinn í Evrópudeildinni hefur hinsvegar ekki verið eins góður og vonast var til. Stojanče Stoilov aðstoðarþjálfari hleypur í skarðið fyrir Nedanovski meðan nýs þjálfara er leitað.
- RK Vardar sækir FC Porto heim í kvöld áður en hlé verður gert á keppni í Evrópudeildinni fram til 18. nóvember vegna landsleikja. Nýr þjálfari verður væntanlega tekinn við Vardarliðinu þegar það leikur við Val hér á landi 26. nóvember.
- Slawomir Szmal fyrrverandi landsliðsmarkvörður Póllands var í gær kjörinn forseti pólska handknattleikssambandsins. Hann hafði betur í kapphlaupi við Damian Drobik. Bogdan Wenta gaf einnig kost á sér en dró framboð sitt til baka þegar á hólminn var komið. Szmal er 46 ára gamall og lék m.a. 298 landsleiki fyrir Pólland á árum sínum sem handknattleiksmaður.
- Auglýsing -
