- Auglýsing -
- Árni Snær Magnússon og Þorvar Bjarmi Harðarson dæma báðar viðureignir H71 frá Þórshöfn og gríska liðsins AC PAOK frá Grikklandi í 32-liða úrslitum Evrópubikarkeppninni kvenna. Fyrri leikurinn fer fram í dag en sá síðari verður háður á morgun, laugardag.
- Guðmundur Þórður Guðmundsson þjálfari danska úrvalsdeildarliðinu Fredericia HC stýrir liðinu í 100. sinn á morgun þegar liðið mætir Bjerringbro/Silkeborg í dönsku úrvalsdeildinni í handknattleik. Guðmundur Þórður tók við þjálfun Fredericia HC áður en keppnistímabilið hófst haustið 2022.
- Óðinn Þór Ríkharðsson skoraði fimm mörk, tvö þeirra úr vítaköstum, þegar Kadetten Schaffhausen vann BSV Bern, 39:37, í markaveislu í höfuðborg Sviss, Bern, í gær. Kadetten var fimm mörkum yfir að loknum fyrri hálfleik, 21:16. Kadetten er efst í A-deildinni í Sviss með 24 stig að loknum 13 leikjum. HC Kriens er í öðru með 19 stig en hefur lokið 12 leikjum.
- Gummersbach komst í gærkvöld í átta liða úrslit þýsku bikarkeppninnar með fimm marka sigri á Bergischer HC, 29:24, á heimavelli í leik íslensku þjálfaranna. Guðjón Valur Sigurðsson þjálfar Gummersbach og Arnór Þór Gunnarsson er þjálfari Bergischer sem leikur í næst efstu deild. Tjörvi Týr Gíslason skoraði eitt mark fyrir Bergischer.
- Elliði Snær Viðarsson og Teitur Örn Einarsson eru á sjúkralista hjá Gummersbach og tóku þar af leiðandi ekki þátt í leiknum. Þýski landsliðsmaðurinn Julian Köster mætti til leiks í gær og lék með Gummersbach. Hann meiddist á sama tíma og Teitur Örn í leik við Leipzig í lok september.
- Arnór Snær Óskarsson og liðsfélagar í Rhein-Neckar Löwen lögðu Füchse Berlin, 30:29, á heimavelli í 16-liða úrslitum þýsku bikarkeppninnar í handknattleik í gærkvöld. Ivan Martinovic skoraði sigurmarkið 90 sekúndum fyrir leikslok. Arnór Snær skoraði ekki mark í leiknum.
- Auglýsing -
