Leyst út með gjöfum eftir tvo áratugi við þjálfun barna

Ívar Benediktsson

17.06.21

Hafdís Ebba Guðjónsdóttir á síðustu æfingunni með drengju í 7. flokki HK sem nutu leiðsagnar hennar í haust, vetur og í vor. Mynd/HK

- Auglýsing -

Hafdís Ebba Guðjónsdóttir stýrði á dögunum sinni síðustu æfingu hjá 7. flokki karla hjá HK. Hún hefur verið þjálfari yngri flokka hjá HK frá árinu 2002 og hafa margir krakkar stigið sín fyrstu skref í handboltanum undir handleiðslu Hafdísar Ebbu í gegnum tíðina.

Í tilefni af síðustu æfingunni var Hafdís Ebba leyst út með blómvendi og kveðjugjöf frá Barna- og unglingaráði HK.

„Við hjá HK erum gríðarlega þakklát fyrir hennar góða og ómetanlega starf í okkar þágu og óskum henni alls hins besta í framtíðinni,“ segir í tilkynningu sem HK sendi frá sér af þessu tilefni.