- Auglýsing -
- Elliði Snær Viðarsson og Teitur Örn Einarsson skoruðu þrjú mörk hvor fyrir Gummersbach þegar liðið tapaði fyrir Füchse Berlin, 29:22, að viðstöddum nærri 19 þúsund áhorfendum í Lanxess-Arena í Köln í gær. Elliði Snær átti einnig eina stoðsendingu og var einu sinni vikið af leikvelli. Þetta var þriðji leikurinn í röð hjá Elliða Snæ eftir meiðslin sem er afar jákvæð staðreynd fyrir landsliðið.
- Teitur Örn, sem mætir eins og Elliði Snær á æfingu með landsliðinu 2. janúar, er skráður fyrir einni stoðsendingu.
Gummersbach, sem Guðjón Valur Sigurðsson þjálfar, er í 9. sæti þýsku 1. deildarinnar með 16 stig í 16 leikjum. Füchse Berlin er í öðru sæti, tveimur stigum á eftir Melsungen sem á leik til góða við Göppingen í kvöld. - Viktor Petersen Norberg skoraði tvö mörk og var einu sinni vikið af leikvelli í sínum þriðja leik með Wetzlar eftir komu til félagsins á dögunum frá Drammen. Wetzlar tapaði í gær fyrir Rhein-Neckar Löwen í Mannheim, 32:27. Wetzlar er í 13. sæti með 12 stig. Rhein-Neckar Löwen í 7. sæti með 20 stig.
- Jóhanna Margrét Sigurðardóttir skoraði eitt mark fyrir Kristianstad Handboll í 10 marka tapi á útivelli fyrir IK Sävehof, 31:21, í sænsku úrvalsdeildinni í gær. Sävehof var með sex marka forskot í hálfleik, 16:10. Kristianstad er í 9. sæti af 12 liðum deildarinnar með sex stig eftir níu leiki.
- Stöðuna í mörgum deildum evrópsks handknattleiks er að finna hér.
- Auglýsing -
