Feðgarnir féllust í faðma

- Auglýsing -

Feðgarnir Gústav Daníelsson og Björgvin Páll Gústavsson markvörður landsliðsins féllust í faðma eftir viðureign Íslands og Kúbu í Zagreb Arena í gærkvöld. Gústav er eins og oftast áður úti í stuðningsmannasveit íslenska landsliðsins í handknattleik og hvetur son sinn og liðsfélaga óspart áfram ásamt konu sinni Guðrúnu Jóhönnu Axelsdóttur.

Fundum þeirra feðga bar saman eftir sigur Íslands á Kúbu í gærkvöld, 40:19, í Zagreb Arena eftir að leikmenn landsliðsins höfðu þakkað fyrir stuðninginn og tekið undir með söng Óðins Valdimarssonar í laginu Ég er kominn heim.